بعض القصائد التي اعجبتني

[نورس الكويت]

قصيدة جفن الليل


يطيح جفن الليل واهز كتفه
نجمٍ يشع وباقي الليل مطفي
واحاكي الجدران عن وصف غرفه
ماتشبه الجدران ويطول وصفي
وتملني الجدران واظهر لشرفه
تحت السما واسكر الباب خلفي
ريحٍ تهب وتسكن العظم رجفه
وتموت ريح وتسكن اوراق نزفي
على الروابي تهطل دموع وطفه
وتصب لمع بروقها وسط طرفي
ياطاري الغدران والعمر رشفه
مع قلها ياليتها يوم تصفي
الحب واجد مير الاقدار صلفه
والأرض واجد لكن الحلم منفى
واللي اعرفه راح ماعاد اعرفه
ولاظن يذكرني الى أقبلت مقفي
ماهو حبيبي مورد القلب حتفه
ولا هو حبيبي يفرح بوقت ضعفي
مر ثمر هالليل وأمر قطفه
يالحنظل اللي قمت اذوقه بكفي
متى الشوارع تجمع اثنين صدفه
لا صار شباك المواعيد مجفي
يابنت تو الليل ماراح نصفه
وياليل بعض اللي مضى منك يكفي


قصيدة شعاع

شعاع ٍ .. يدخل الغرفة ..
بعد العصر ..
يزحف فوق سجادة ..
ويطلع فوق هالكرسي
ويمكن يلمس وسادة ..
ولحظة ما لمحته خاف
تراجع .. طاح من الكرسي ..
وركض قبل النهار يمسي ..
ورجع للشمس كالعادة ..

يذكرني شعاع العصر ..
عيونك .. تدخل ضلوعي
في غفلة من عيون الناس ..
وتمد اهدابها احساس ..
وتاخذ قلبي من قلبي ..
تضيق بصدري الانفاس ..
ولما ينتبه واحد من الجلاس ..
بسرعة تركض النظرة ..
على السجاد والكرسي ..
احس ان النهار يمسي ..
وتغيب الشمس كالعادة ..




قصيدة طفلة وطفل

غديت انا .. وانتي .. طفلة وطفل ..
تبكين فـ وداعي .. وانا كني مفارق أهل ..
وبيتٍ صغير .. ودربٍ كهل ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
يا اول مواعيدي .. ويااخر مواعيدي
انتي فرح عمري .. وجرحي وتسهيدي ..
افارقك ليله .. يا طولها ليله ..
واجيك انا باكر .. وقلبي على إيدي ..
ومادري سبب خوفك .. وانتي العمر شوفك ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
وغديت انا .. وانتي .. طفلة وطفل ..
تبكين فـ وداعي ..

[دمعة أحباب]

واااااااااااااااااو يسلموووووووووو على الاختيااااااار الرائع والذوق الطيب

[القلـ.المجـ..ـروح.ـب]

نورس

قصيده رائع واحسن من رائع

مشكووره على الاختيار الرائع

والى الامام

==========>>

اخوك/

روح روح انا القلب المجروح